மாமியாருக்கு பீர் பாட்டில் குத்து – மருமகன் உட்பட 2 பேர் கைது..!

கோவை மாவட்டம் ஆழியாறு பக்கம் அங்கலக்குறிச்சி, பாறைமேடு பகுதியைச் சேர்ந்தவர் முருகேசன், இவரது மனைவி காளியம்மாள் (43)இவர்களது மகளை ஆவல் சின்னாம்பாளையம் கிருஷ்ணசாமி நகரை சேர்ந்த மணிகண்டன் (வயது 26) என்பவர் திருமணம் செய்துள்ளார்.சம்பவத்தன்று இவரது வீட்டிலிருந்த மிச்சர் திடீரென்று காணாமல் போனது. இதுபற்றி காளியம்மாள் தனது மருமகன் மீது சந்தேகப்பட்டு அவரிடம் கேட்டார் .இதில் ஆத்திரமடைந்த மருமகன் மணிகண்டன் அவரது நண்பர் ராஜ்குமார் ஆகியோர் சேர்ந்து மாமியார் காளியமமாளை பீர் பாட்டிலால் தலையில் தாக்கினார்கள்.இதில் அவருக்கு பலத்த காயம் ஏற்பட்டது. பின்னர் அவருக்கு கொலை மிரட்டல் விடுத்து விட்டு தப்பி ஓடி விட்டனர் .இது குறித்து காளியம்மாள் ஆழியார்போலீஸ் நிலையத்தில் புகார் செய்தார் .சப் இன்ஸ்பெக்டர்சரவணன் வழக்கு பதிவு செய்து மருமகன் மணிகண்டன்( வயது 26) அங்கலகுறிச்சியை சேர்ந்த அவரது நண்பர் ராஜ்குமார் ( வயது 25)ஆகியோரை நேற்று கைது செய்தார். இவர்கள் மீது பெண்கள் வன்கொடுமை தடுப்புச் சட்டம் ,கொலை மிரட்டல் தாக்குதல், உட்பட 4 பிரிவின் கீழ் வழக்கு பதிவு செய்யப்பட்டுள்ளது.