தொடர் திருட்டில் ஈடுபட்டு வந்த 2 கொள்ளையர்கள் கைது – நகை, பணம் மீட்பு..!

பல்லடம் பகுதியில் வசிப்பவர் முத்து ஜெயந்தி (46) இவர்.கடந்த 14.11.2024 அன்று பொள்ளாச்சியில் நடந்த உறவினர் திருமணத்திற்காக பல்லடம் பேருந்து நிலையத்திலிருந்து பஸ்ஸில் ஏறி பொள்ளாச்சி புதிய பேருந்து நிலையத்தில் பஸ்ஸிலிருந்து இறங்கினார். அப்போது அவரது பையில் 14 பவுன் தங்க நகைகளை காணவில்லை. யாரோ திருடி சென்று விட்டனர். இது தொடர்பாக நெகமம் காவல் நிலையத்தில் அளித்த புகாரின் அடிப்படையில் வழக்குப்பதிவு செய்யப்பட்டது. மேற்படி திருட்டு வழக்கில் விரைந்து குற்றவாளிகளை கைது செய்ய, மாவட்ட காவல் கண்காணிப்பாளர் டாக்டர்..கார்த்திகேயன் உத்தரவிட்டதன் பேரில் தனிப்படை அமைக்கப்பட்டு புலன் விசாரணை மேற்கொண்டும், சிசிடிவி கேமராக்களை ஆய்வு செய்தும், புலன் விசாரணை நடந்து வந்தது. இந்த நிலையில், நேற்று (03.12.2024) தனிப்படையினர் ஆனைமலை பகுதியைச் சேர்ந்த பழனிச்சாமி மகன் கனகராஜ் (45) மற்றும் பழனிச்சாமி மகன் ராமலிங்கம் (37) ஆகியோர்களை பிடித்து விசாரணை மேற்கொண்டதில் மேற்படி திருட்டு வழக்கில் ஈடுபட்டதை ஒப்புக்கொண்டதன் பேரில், கனகராஜ், ராமலிங்கம் ஆகியோர்களை கைது செய்தனர். மேற்படி நபர்கள் பொள்ளாச்சி கிழக்கு, பொள்ளாச்சி மேற்கு மற்றும் மகாலிங்கபுரம் காவல் நிலைய பகுதிகளில் திருட்டு வழக்குகளில் ஈடுபட்டுள்ளனர் என்பது தெரிய வந்தது. இந்நிலையில் அவர்களிடமிருந்து மேற்படி வழக்குகளின் சொத்துக்களான 28 ½ சவரன் தங்க நகைகள் மற்றும் ரூபாய் 50 ஆயிரம் பணம் ஆகியவற்றை பறிமுதல் செய்தனர். கொள்ளையர்கள் பிடித்து நகை, பணத்தை மீட்ட தனிப்படையினரை போலீஸ் சூப்பிரண்டு டாக்டர். கார்த்திகேயன் பாராட்டினார்..