கோவை உக்கடம் போலீஸ் இன்ஸ்பெக்டர் ஆனந்த ஜோதி நேற்று உக்கடம் – சுங்கம் பைபாஸ் ரோட்டில் உள்ள ஒரு பெட்டி கடையில் திடீர் சோதனை நடத்தினார் . அப்போது அங்கு தடை செய்யப்பட்ட 3 கிலோ 662 கிராம் எடைகொண்ட குட்கா இருந்தது கண்டுபிடிக்கப்பட்டது. இவைகள் பறிமுதல் செய்யப்பட்டன.. இது தொடர்பாக இதை விற்பனை செய்த கரும்புக்கடை, சார மேடு அமீர் அலி ( வயது 38) மேற்கு வங்காளம் எம்.டி .நூர் (வயது 20) ஆகியோரை கைது செய்தார் .
இதே போல ரத்தினபுரி போலீஸ் சப் இன்ஸ்பெக்டர் அஜித் நேற்று டாடாபாத் ராதாகிருஷ்ணன் ரோட்டில் உள்ள ஒரு கடையில் திடீர் சோதனை நடத்தினார் . அப்போது அங்கு தடை செய்யப்பட்ட 131. 36 கிலோ எடை கொண்ட குட்கா மறைத்து வைத்திருந்தது கண்டுபிடிக்கப்பட்டது. இவைகள் பறிமுதல் செய்யப்பட்டன. இது தொடர்பாக டாடாபாத் ராதாகிருஷ்ணன் ரோட்டை சேர்ந்த வியாபாரி முத்துகிருஷ்ணன் ( வயது 62 ) கைது செய்யப்பட்டார். 3 பேரும் நீதிமன்றத்தில் ஆஜர்ப்படுத்தப்பட்டு சிறையில் அடைக்கப்பட்டனர்..