திருமண வீட்டில் 35 பவுன் நகை, 7 லட்சம் பணம், வெள்ளி பொருட்கள் கொள்ளை – மர்ம நபர்கள் கைவரிசை..!

கோவை ராமநாதபுரம் நஞ்சுண்டாபுரம் ரோடு, இந்திரா நகரைச் சேர்ந்தவர் ராமச்சந்திரன் இவரது மனைவி லலிதா ( வயது 54 ) இவரது 3-வது மகளுக்கு திருமண ஏற்பாடு நடந்து வந்தது. இதற்காக கோட்டை சங்கமேஸ்வரர் கோவில் 23-ஆம் தேதி பெண் பார்க்கும் நிகழ்ச்சி நடந்தது . அந்த நிகழ்ச்சியை முடித்து விட்டு மணப்பெண்ணுக்கு சேலை நகைகள் வாங்கி விட்டு வீட்டுக்கு வந்தனர். அப்போது வீட்டின் கதவு பூட்டு உடைக்கப்பட்டு இருந்தது . உள்ளே சென்று பார்த்த போது பீரோவில் இருந்த 34.5 பவுன் நகைகள் ரூ.7 லட்சத்து 50 ஆயிரம் பணம் அரை கிலோ வெள்ளி பொருட்கள் ஆகியவற்றை காணவில்லை. யாரோ திருடி சென்று விட்டனர். இதுகுறித்து ராமநாதபுரம் போலீசில் புகார் செய்தார். இன்ஸ்பெக்டர் பிரபாதேவி வழக்கு பதிவு செய்து விசாரணை நடத்தி வருகிறார்..