வடமாநில தொழிலாளியிடம் கத்தியை காட்டி மிரட்டி பணம், செல்போன் பறிப்பு ..!

கோவை: உத்திரபிரதேச மாநிலத்தைச் சேர்ந்தவர் அங்கடு (வயது 38 )இவர் ஈச்சனாரி கணேசபுரத்தில் தங்கி இருந்து கட்டிட வேலை செய்து வருகிறார். நேற்று இவர் குனியமுத்தூர் சுண்டக்காமுத்தூர் ரோடு குளக்கரையில் நடந்து சென்றார். அப்போது பைக்கில் வந்து 2 ஆசாமிகள் இவரை வழிமறித்து கத்தியை காட்டி மிரட்டி அவரிடமிருந்த ரூ 5 ஆயிரம் பணம், செல்போன் ஆகியவற்றை பறித்தனர். பின்னர் இவரை தாக்கி விட்டு தப்பி சென்று விட்டனர். இது குறித்து அங்கடு குனியமுத்தூர் போலீசில் புகார் செய்தார். இன்ஸ்பெக்டர் பாஸ்கரன் வழக்கு பதிவு செய்து மர்ம ஆசாமிகளை தேடி வருகிறார்..