வீட்டின் பூட்டை உடைத்து 19 பவுன் நகை, ரூ 1.50 லட்சம் பணம் கொள்ளை – கோவையில் மர்ம நபர்கள் கைவரிசை..!

கோவை பீளமேடு பக்கம் உள்ள சேரன்மாநகர், மவுனசாமி ரோட்டை சேர்ந்தவர் கதிரேசன் இவர் துபாயில் வேலை பார்த்து வருகிறார். இவரது மனைவி ஜெயராணி( வயது 46 )இவர் கடந்த 9ஆம் தேதி வீட்டை பூட்டிவிட்டு மகளுடன் தனது மற்றொரு மகள் வீட்டுக்கு சென்றிருந்தார். நேற்று திரும்பி வந்தார். அப்போது வீட்டில் முன் கதவு பூட்டு உடைக்கப்பட்டிருந்தது. உள்ளே சென்று பார்த்தபோது பீரோ உடைக்கப்பட்டு இருந்தது. அதிலிருந்த பணம் ரூ1லட்சத்து 50 ஆயிரம் யு. எஸ் டாலர் 4800 மற்றும் 19 பவுன் நகைகள் ஆகியவை கொள்ளையடிக்கப்பட்டிருந்தது. இது குறித்து ஜெயராணி பீளமேடு போலீசில் புகார் செய்தார். இன்ஸ்பெக்டர் கணேஷ்குமார் சம்பவ இடத்துக்கு விரைந்து சென்று விசாரணை நடத்தினார் .பீரோவில் பதிந்திருந்த கொள்ளையர்களின் கைரேகை பதிவு செய்யப்பட்டுள்ளது.