கோவை அருகே பள்ளிக்கூட ஆசிரியை தாக்கி மாணவன் படுகாயம்..! 

கோவை அருகே பள்ளிக்கூட ஆசிரியை தாக்கி மாணவன் படுகாயம்..!  கோவை ஆலாந்துறை பக்கம் உள்ள ராமநாதபுரத்தில் அரசு மேல்நிலைப் பள்ளிக்கூடம் உள்ளது.இங்கு 600க்கும் மேற்பட்ட மாணவ- மாணவிகள் படித்து வருகிறார்கள்.சம்பவத்தன்று வகுப்பு நடந்து கொண்டிருந்தபோது 6-ம் வகுப்பு மாணவர் ஒருவருக்கும் 8-ம் வகுப்பு மாணவர் ஒருவருக்கும் திடீரென்று வாக்குவாதம் ஏற்பட்டது .இதனால் அவர்கள் ஒருவருக்கு ஒருவர் தாக்கி கொண்டனர். இதை அந்த வழியாக வந்த ஆசிரியர் ஒருவர் பார்த்தார். அவர் 2 மாணவர்களையும் சமாதானம் செய்தார். பின்னர் அவர் 8-ம் வகுப்பு மாணவரை தன் அறையில் வந்து சந்திக்குமாறு கூறிவிட்டுச் சென்றார். அதன்படி 8-ம் வகுப்பு மாணவர் ஆசிரியையின்அறைக்கு சென்று சந்தித்தார். அங்கு அந்த மாணவரை முட்டி போட வைத்த ஆசிரியை பிரம்பால் அடித்ததாக கூறப்படுகிறது. இதில் மாணவனின் முதுகில் பலத்த காயம் ஏற்பட்டது இது குறித்து அந்த மாணவன் பெற்றோர்களிடம் கூறினார் .இதனால் ஆத்திரம் அடைந்த மாணவரின் பெற்றோர் பள்ளிக்கு நேரில் சென்று தலைமை ஆசிரியரிடம் வாக்குவாதத்தில் ஈடுபட்டனர் .இதனால் அங்கு பரபரப்பு ஏற்பட்டது. இது குறித்து தகவல் அறிந்ததும் ஆலந்துறை போலீசார் விரைந்து சென்று மாணவரின் பெற்றோரை சமாதானம் செய்தனர். அதை ஏற்று மாணவரின் பெற்ற புகார் அளிக்காமல் சென்றனர்.இதுகுறித்து தகவல் அறிந்த பெற்றோர் ஆசிரியர் கழக சங்கத்தினர் குழந்தைகள் நல வாரியத்துக்கு மனு அனுப்பி உள்ளனர். எனவே இது தொடர்பாக குழந்தைகள் நல வாரியம் விசாரணை நடத்தும் என கூறப்படுகிறது.