கோவை : வருகிற 15ஆம் தேதி 76 -வது சுதந்திர தின விழா நாடு முழுவதும் கொண்டாடப்படுகிறது. .76வது சுதந்திர தின விழாவை குறிக்கும் வகையில் கோவை மாநகர காவல் துறையினர் பொதுமக்களுடம் இணைந்து 76 கிலோ மீட்டர் சைக்கிள் பயணம் இன்று நடந்தது.
போலீஸ் கமிஷனர் பாலகிருஷ்ணன் தலைமையில் இன்று அதிகாலை 5 – 30 மணிக்கு கமிஷனர் அலுவலகத்தில் இருந்து சைக்கிள் பயணம் புறப்பட்டது.செல்வபுரம் பேரூர் மாதம்பட்டி ஆலந்துறை காருண்யா நகர் ஈஷா வழியாக மொத்தம் 76 கிலோ மீட்டர் தூரம் இந்த சைக்கிள் பயணம் நடந்தது.
இதில் போலீஸ் கமிஷனர் பாலகிருஷ்ணன், துணை போலீஸ் கமிஷனர்கள் சந்தீஷ் மதிவாணன்,சுகாசினி மற்றும் காவல்துறை அதிகாரிகளும், போலீசாரும், பொதுமக்களும் இதில் பங்கேற்றனர்.
இதில் பங்கேற்றவர்களுக்கு சான்றிதழ் வழங்கப்பட்டது..