வேன் டிரைவரை கத்தியால் குத்தி பணம் கொள்ளை. ஒருவர் கைது.

நீலகிரி மாவட்டம் கக்குச்சி பக்கம் உள்ள குகை பகுதியை சேர்ந்தவர் சுஜித் குமார் ( வயது 34) வேன் டிரைவர். இவர் நேற்று ஜடையம்பாளையம் மார்க்கெட்டில் காய்கறி ஏற்றிகொண்டு தென்திருப்பதி நால்ரோடு அருகே வேனை நிறுத்தி நின்று கொண்டிருந்தார். அப்போது பைக்கில் வந்த 2 பேர் இவரை மிரட்டி கத்தியால் குத்தி அவரிடம் இருந்த பணம் ரூ 100 மற்றும் செல்போன்ஆகியோவற்றை பறித்துவிட்டு தப்பி சென்று விட்டனர். இது குறித்து காரமடை போலீசில் புகார் செய்யப்பட்டது. இன்ஸ்பெக்டர் ராஜசேகரன் வழக்கு பதிவு செய்து மேட்டுப்பாளையம் சிறுமுகை ரோடு வ.உ.சி நகரை சேர்ந்த அபுதாகிர் (வயது 29) என்பவரை கைது செய்தார். மதினா நகரை சேர்ந்த முகமத் ஆசிப் (வயது 29) என்பவர் தலைமறைவாகி விட்டார் .இவரை தேடி வருகிறார்கள்.