கோவை அருகே 2 காட்டு யானைகள் தொடர் சாவு .

கோவை மாவட்டம் பெரியநாயக்கன்பாளையம் வனச்சரகத்துக்கு உட்பட்ட நாயக்கன்பாளையம் தெற்கு பகுதியில் சி. ஆர் .பி. எப். சி. டி. சி. வளாகத்தில் நேற்று முன்தினம் ஒரு ஆண்யானை இறந்து கிடந்தது .இதையடுத்து வனத்துறையினர், கால்நடை டாக்டர்கள் சம்பவ இடத்துக்கு சென்று யானை சாவு குறித்து விசாரணை நடத்தினார்கள்.அங்கு வைத்து பிரேத பரிசோதனை செய்யப்பட்டது. பின்னர் காட்டுயானை புதைக்கபட்டது. அந்த காட்டு யானை எப்படி இறந்தது? என்பது குறித்து வனத்துறை அதிகாரிகள் விசாரணை நடத்தி வருகிறார்கள்..இந்த நிலையில் சி.ஆர்.பி.எப். பயிற்சி கல்லூரி வளாக பகுதியில் மேலும் ஒரு பெண் யானை இறந்து கிடந்தது கண்டறியப்பட்டது இது குறித்து தகவல் அறிந்ததும் வனத்துறை உயர் அதிகாரிகள் சம்பவ இடத்திற்கு சென்றனர். பின்னர் அங்கு வைத்து யானையின் உடல் பரித பரிசோதனை செய்யப்பட்டது. அந்த பெண்யானை கர்ப்பமாக இருந்தது. கோவை வன பகுதியில் அடுத்தடுத்து 2 காட்டுயானைகள் உயிரிழந்த சம்பவம் அதிர்ச்சி ஏற்படுத்தி உள்ளது.