கோவை, தொண்டாமுத்தூர் பகுதியில் டயர் வெடித்து தலை குப்புற கார் கவிழ்ந்து விபத்து கல்லூரி மாணவர்கள் மூன்று பேர் படுகாயம்…

கோவை, தொண்டாமுத்தூர் பகுதியில் மருதப்பா நகரை சேர்ந்த திவாகர். இவர் தனியார் கலை அறிவியல் கல்லூரியில் பி.காம் முதலாம் ஆண்டு படித்து வருகிறார். இவர் தனது சொந்தமான காரை எடுத்துக் கொண்டு கல்லூரிக்கு சென்று உள்ளார். கல்லூரி முடிந்து விட்டு தனது நண்பர்கள் ஹரிஷ் மற்றும் பன்னீர்செல்வம் ஆகியோருடன் காரில் சென்று கொண்டிருந்தார். திடீரென காரின் பின்பக்க வலதுபுற டயர் வெடித்தது. இதில் வேகமாக வந்த கார் கட்டுப்பாட்டை இழந்து ரோட்டோரத்தில் தலைக்குகுப்புற கவிழ்ந்து விபத்துக்குள்ளானது. உடனே அங்கிருந்து பொதுமக்கள் காரில் வந்த காயமடைந்த மூன்று கல்லூரி மாணவர்கள் மீது தனியார் மருத்துவமனையில் சேர்த்தனர். அங்கு அவர்களுக்கு சிகிச்சை அளிக்கப்பட்டு வருகிறது. இந்த சம்பவம் குறித்து ஆலந்துறை காவல்துறை வழக்கு பதிவு செய்து விசாரணை நடத்தி வருகின்றனர்.