கோவை அரசு மருத்துவமனையில் இறந்தவர்களின் உடல்களைஉறவினர்களிடம் மாற்றிக் கொடுத்ததால் பரபரப்பு…

ஈரோடு மாவட்டம் சூரம்பட்டியை சேர்ந்தவர் மணி (வயது 65) இவர் உடல்நிலை பாதிக்கப்பட்டதால் கோவை அரசு மருத்துவமனையில் கடந்த 25 ஆம் தேதிசிகிச்சைக்காக சேர்க்கப்பட்டார். இதேபோன்று திருப்பூர் மாவட்டம் அவினாசி அருகே உள்ள சேவூரை சேர்ந்த குமாரசாமி ( வயது 74) என்பவரும் உடல் நலன் பாதிக்கப்பட்டு கோவை அரசு மருத்துவமனையில் 26 ஆம் தேதி சிகிச்சைக்காக சேர்க்கப்பட்டார். இங்கு அவர்களுக்கு சிகிச்சை அளிக்கப்பட்டு வந்தது. ஆனால் சிகிச்சை பலன் அளிக்காமல் 2 பேரும் இறந்தார்கள். பின்னர் அவர்களது உடல்களை பிரேத பரிசோதனை செய்து உறவினர்களிடம் ஒப் படைக்க நடவடிக்கை எடுக்கப்பட்டது..அப்போது குமாரசாமியின் உடலுக்கு பதிலாக மணியின் உடலை அவரது உறவினர்களிடம் மாற்றி கொடுத்ததாக தெரிகிறது .இதை அறியாத அவர்கள் சொந்த ஊருக்கு கொண்டு சென்று இறுதிச் சடங்கு செய்த பிறகு எரித்துவிட்டனர். இதற்கு இடையில் மணியின் உடலை வாங்க அவரது உறவினர்கள் மருத்துவமனையில் காத்திருந்தனர். நீண்ட நேரம் ஆகியும் உடலை ஒப்படைக்காததால் ஆஸ்பத்திரி ஊழியர்களிடம் அவர்கள் கேட்டனர்..அப்போதுதான் குமாரசாமி உடலுக்கு பதிலாக மணியின் உடலை கொடுத்தது அவர்களுக்கு தெரிய வந்தது .பின்னர் குமாரசாமி உறவினர்களை ஆஸ்பத்திரி ஊழியர்கள் தொடர்பு கொண்டு தகவல் தெரிவித்தனர். உடனே அவர்கள் ஆஸ்பத்திரிக்கு விரைந்து வந்தனர். அங்கிருந்தது குப்புசாமியின் உடல் தான் என்பதை பார்த்து உறுதி செய்தனர்.இந்த சம்பவத்தால் கோவை அரசு மருத்துவமனையில் பரபரப்பு ஏற்பட்டது இதையடுத்து அரசு மருத்துவமனை இருப்பிட மருத்துவ அதிகாரி சத்தியபிரியா மற்றும் போலீசார் இரு தரப்பு உறவினரிடமும் பேச்சுவார்த்தை நடத்தினர். இதில் உடன்பாடு ஏற்பட்டது. தொடர்ந்து அவர்கள் அங்கிருந்து கலைந்து சென்றனர். மேலும் இறந்த முதியவர் குமாரசாமியின் உடல் அவரது உறவினர்களிடம் ஒப்படைக்கப்பட்டது.கோவை அரசு மருத்துவமனையில்இறந்தவர்களின் உடல்களை கவனக்குறைவால்மாற்றி ஒப்படைத்ததால் பெரும் பரபரப்பு ஏற்பட்டது.