தூங்கிக் கொண்டிருந்த மூதாட்டியிடம் செயின் பறித்த பெண் கைது…

கோவை மாவட்டம் பொள்ளாச்சி அருகே உள்ள ஆழியார் மார்க்கெட் ரோட்டை சேர்ந்தவர் சுப்பாத்தாள் (வயது 72) இவர்நேற்று அவரது வீட்டின் வெளியே உள்ள திண்ணையில் படுத்து தூங்கிக் கொண்டிருந்தார். அப்போது அந்த வழியாக வந்த ஒருபெண் திடீரென்று சுப்பாத்தாள்அருகில் சென்று அவரது கழுத்தில் கிடந்த தங்க நகையை பறித்துக் கொண்டு தப்பி ஓடினார். இதனால் அவர் சத்தம் போட்டார். அக்கம்பக்கத்தில்உள்ளவர்கள் ஓடிவந்து அந்த பெண்ணை மடக்கிப் பிடித்தனர். பின்னர் அவர் ஆழியார் காவல் நிலையத்தில் ஒப்படைக்கப்பட்டார். போலீசார் அந்த பெண்ணை கைது செய்தனர்.விசாரணையில் அவர் கோவை கணபதி,கட்டபொம்மன் வீதியை சேர்ந்தமயில்சாமி மனைவி கவிதா (வயது 40) என்பதும் கேட்டரிங் வேலைக்கு சென்று வருவதாகவும் தெரியவந்தது .இவரிடமிருந்து 41 .380கிராம் தங்க நகை மீட்கப்பட்டது.