வீட்டில் பணம் வைத்து சீட்டாட்டம் – 8 பேர் கைது..!

கோவை மாவட்டம் பொள்ளாச்சி கோட்டூர் ரோட்டில் உள்ள மணியக்காரர் வீதியைச் சேர்ந்தவர் ஆறுமுகம் .இவரது வீட்டில் பணம் வைத்து சீட்டு விளையாடுவதாக பொள்ளாச்சி கிழக்கு பகுதி போலீசுக்கு தகவல் வந்தது. சப் – இன்ஸ்பெக்டர் கிருஷ்ணமூர்த்தி நேற்று மாலை அங்கு திடீர் சோதனை நடத்தினார் .அப்போது பணம் வைத்து சீட்டு விளையாடியதாக அதே பகுதியை சேர்ந்த வெற்றிவேல் ( வயது 37) சூளைஸ்வரன்பட்டி கார்த்திகேயன் (வயது 50) மகாலிங்கபுரம் முருகவேல் (வயது 52) வெங்கடேஷ் காலனி தங்கவேல் ( வயது 72) பால மணலூர் குமார் (வயது 32 )கோட்டூர் ரோடு செந்தில் (வயது51) ஜோதி நகர் நந்தகுமார் (வயது50) காளிண்ணன் நகர் மீனாட்சி சுந்தரம் ( வயது45 )ஆகியோர் கைது செய்யப்பட்டனர். சீட்டு விளையாட பயன்படுத்தப்பட்ட ரூ., 11 ஆயிரம் பறிமுதல் செய்யப்பட்டது.