சென்னை: இன்று தங்கம்விலை சவரனுக்கு ரூ. 65000 ஐ எட்டி புதிய சாதனை படைத்துள்ளது.
இந்த ஆண்டின் துவக்கத்தில் தங்கம் விலை சவரன் 64 ஆயிரத்தை கடந்து உச்சத்தை எட்டியது.
பிறகு தொடர்ந்து ஏற்ற இறக்கத்துடன் இருக்கிறது. இந்நிலையில் நேற்று தங்கம் விலை சவரனுக்கு ரூ.360 உயர்ந்து ஒரு சவரன் ரூ.64,520-க்கு விற்பனை செய்யப்பட்டது.
இன்று தங்கம் விலை மேலும் உயர்ந்து புதிய உச்சத்தை தொட்டுள்ளது. சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.440 உயர்ந்து ஒரு சவரன் ரூ.64,960-க்கு விற்பனை செய்யப்படுகிறது. அதாவது தங்கம் கிராமுக்கு ரூ.55 உயர்ந்து ஒரு கிராம் ரூ.8,120-க்கு விற்பனை செய்யப்படுகிறது.
இதை போல் வெள்ளி விலை கிராமுக்கு ரூ.1 உயர்ந்து ஒரு கிராம் வெள்ளி ரூ.110-க்கும், அதாவது கிலோவுக்கு ஆயிரம் ரூபாய் உயர்ந்து ஒரு கிலோ ரூ.1,10,000-க்கும் விற்பனை செய்யப்படுகிறது.