ஏ.டி.எம். எந்திரத்தை உடைத்து கொள்ளை முயற்சி-மர்ம நபருக்கு போலீஸ் வலை..!

கோவை மாவட்டம் மேட்டுப்பாளையத்தில் இருந்து வனபத்ரகாளியம்மன் கோவிலுக்கு செல்லும் வழியில் உள்ள தனியார் மருத்துவமனை வளாகத்தில் தனியார் வங்கிக்கு சொந்தமான ஏ.டிஎம் .மையம் உள்ளது. அந்த பகுதியில் நேற்று அதிகாலை 4 மணிக்கு மேட்டுப்பாளையம் போலீசார் ரோந்து சென்றனர் .அவர்கள் ஏ.டி.எம் .மையத்தில் வைக்கப்பட்டிருந்த நோட்டுப் புத்தகத்தில் கையெழுத்திட கதவை திறந்து கொண்டு உள்ளே சென்றனர் .அப்போது ஏ.டி.எம். மையம் முழுவதும் வெப்பமாக இருந்தது. இதனால் சந்தேகம் அடைந்த போலீசார் ஏ.டி.எம். மையத்தில் சோதனை மேற்கொண்டனர். அப்போது ஏ.டி.எம். எந்திரத்தை கேஸ் வெல்டிங் வைத்து உடைத்து மர்ம ஆசாமிகள் பணத்தை திருட முயன்றதும், போலீசார் ரோந்து சென்றதை அறிந்ததும் , திருட்டு முயற்சியை கைவிட்டு விட்டு பாதியிலே தப்பி ஓடியதும் தெரிய வந்தது. உடனே போலீசார் அந்த பகுதியில் தேடுதல் வேட்டை நடத்தினர். அப்போது அங்குள்ள வாழைத்தோட்ட பகுதியில் கியாஸ் சிலிண்டர் மற்றும் வெல்டிங்கிற்கு பயன்படுத்தப்படும் டியூப், ராடு ஆகியவை கிடந்தது. அவற்றை போலீசார் கைப்பற்றினார்கள். இது பற்றி தகவல் தெரிந்ததும் கோவை மாவட்ட போலீஸ்சூப்பிரண்டு பத்ரி நாராயணன், மேட்டுப்பாளையம் டி.எஸ்.பி. பாலாஜி, இன்ஸ்பெக்டர்நவநீதகிருஷ்ணன் மற்றும் போலீசார்சம்பவ இடத்துக்கு விரைந்து சென்று ஏ.டி.எம் . மையத்தை பார்வையிட்டு விசாரணை செய்தனர். கைரேகைகளை பதிவு செய்தனர் .அந்த பகுதியில் தனியார் மற்றும் போலீசார் சார்பில் பொருத்தப்பட்டுள்ள கண்காணிப்பு கேமராவில் பதிவான காட்சிகளை பார்வையிட்டு ஆய்வு செய்து வருகிறார்கள். இது குறித்து மேட்டுப்பாளையம்போலீசில்மேனேஜர் ரோஹித் புகார் செய்தார்.போலீசார் வழக்கு பதிவு செய்து விசாரணை நடத்தி வருகிறார்கள்.