கடலூர் மண்ணை காப்பாற்ற வேண்டும் என பாமக போராடிக் கொண்டிருக்கிறது. நான் முற்றுகையிட வந்ததால், தற்போது பணிகள் நிறுத்தப்பட்டுள்ளன. நாளை மீண்டும் பணிகள் துவங்கினால் கடலூர் மாவட்டம் முழுவதும் சாலை மறியல் நடைபெறும். சாலை மறியல் என்றால் பெயருக்கு போராட்டமாக இருக்காது, கடலூர் மாவட்டமே ஸ்தம்பிக்கும்.இது தான் வளர்ச்சியா 300 கிராம சபை கூட்டத்தில் என்எல்சி நிலத்தை கையகப்படுத்த கூடாது என தீர்மானம் நிறைவேற்றப்பட்டது.
300 கிராமங்கள் எதிர்ப்பு இருந்தும் போலீஸ் உதவியோடு நிலம் கையகப்படுத்தப்படுகிறது. நெய்வேலியில் நிலத்தடி நீர் 800 அடிக்கு கீழ் சென்றுவிட்டது. அப்படியிருக்கையில் என்எல்சி கோடிக்கணக்கான லிட்டர் குடிநீரை ராட்சத குழாய்கள் மூலம் உறிந்து எடுக்கிறது.நிலத்தடி நீரை உறிஞ்சி நிலத்தை மலடாக்குவது தான் வளர்ச்சியா? தமிழகத்திற்கு வெறும் 400 மெகாவாட் மின்சாரத்தை தான் என்எல்சி தருகிறது.
அந்நிறுவனத்தை விரட்டினால் தமிழகம் ஒன்றும் இருளில் மூழ்கிப் போய்விடாது. மின்சாரம் தயாரிக்க பல மாற்று வழிகள் உள்ளன; ஆனால் சோற்றுக்கு மண் மட்டுமே வழி. இவ்வாறு அவர் பேசினார்.முற்றுகைஇதனை தொடர்ந்து, அன்புமணி மற்றும் பா.ம.க.,வினர் என்.எல்.சி., நிறுவனத்திற்குள் நுழைய முயற்சி செய்தனர். ஆனால், அங்கு குவிக்கப்பட்டு இருந்த போலீசார் அவர்களை தடுத்து நிறுத்தினர்.
அங்கிருந்து கலைந்து செல்லும்படி அறிவுறுத்திய போலீசார், அன்புமணியுடன் பேச்சுவார்த்தை நடத்தினர். ஆனால், அங்கிருந்து செல்ல அன்புமணி மறுத்துவிட்டார். இதனால், அங்கு தள்ளு முள்ளு ஏற்பட்டது. தொடர்ந்து அன்புமணியை போலீசார் கைது செய்தனர்.