கோவை மத்திய சிறையில் வார்டர்களை தாக்கிய 7 கைதிகள் மீது வழக்குப்பதிவு ..!

கோவை மத்திய சிறையில் உள்ள வால்மேடு பிளாக்கில் நேற்று கைதிகள் -வார்டர்கள் இடையே பயங்கர மோதல் ஏற்பட்டது.. இதில் கைதிகள் மரத்தில் ஏறி கைகளை பிளேடால் அறுத்து கொண்டனர்,.இதில் 7 கைதிகளுக்கு காயம் ஏற்பட்டது. கைதிகள் வார்டர்களை தாக்கியதில் வார்டர்கள் ராகுல், பாபு ஜான்,மோகன்ராம் விமல் ராஜ் ஆகியோர் காயமடைந்தனர்.இவர்கள் சிகிச்சைக்காக கோவை அரசு மருத்துவமனையில் சேர்க்கப்பட்டுள்ளனர்..இது குறித்து சிறை அதிகாரி லதா கோவை ரேஸ்கோர்ஸ் போலீசில் புகார் செய்தார். இதன் அடிப்படையில் கைதிகள் தினேஷ் குமார் என்ற மண்டை தினேஷ், உதயகுமார் கிஷோர் குமார் அழகர்சாமி என்ற அழகர் ,அய்யனார் ஹரிஹரன், அரவிந்த் ஆகிய 7 கைதிகள் மீது கொலை மிரட்டல், காயப்படுத்துதல், அரசு ஊழியர்களை பணி செய்ய விடாது தடுத்தல் , பொது இடத்தில் தொல்லை கொடுத்தல் ஆகிய 6 பிரிவின் வழக்கு பதிவு செய்யப்பட்டுள்ளது. தற்போது அங்கு அமைதி நிலவுகிறது. கூடுதலாக பாதுகாப்பு போடப்பட்டுள்ளது..