கோவை ரத்தினபுரி பொங்கியம்மாள் வீதியைச் சேர்ந்தவர் வெங்கடேஷ் ராஜா. நேற்று இவரது தாயார் ரத்தினபுரி தயிர் இட்டேரி பக்கமுள்ள சுப்பாத்தாள் வீதியில் நடந்து சென்றார் . அப்போது அந்த வழியாக பைக்கில் வந்த 2 ஆசாமிகள் இவரது கழுத்தில் கிடந்த 3 பவுன் தாலிச் சங்கிலி பறித்துக் கொண்டு தப்பிச் சென்று விட்டனர். இது குறித்து ரத்தினபுரி போலீசில் வெங்கடேஷ் ராஜா புகார் செய்துள்ளார்.
இதே போல கோவை ராமநாதபுரம் ரூபா நகர் பக்கம் உள்ள ராமசாமி நகரை சேர்ந்தவர் கோவிந்தராஜன் .இவரது மனைவி சரோஜா விபி ( வயது 66 )இவர் நேற்று ராமநாதபுரம் இந்திரா நகர் பகுதியில் நடந்து சென்றார். அப்போது பைக்கில் வந்த 2 ஆசாமிகளில் ஒருவர் கீழே இறங்கி வந்து சரோஜா விபி கழுத்தில் கிடந்த 3 பவுன் செயினை பறித்தார். சரோஜா விபி அவரிடம் போராடி 2 பவுன் செயினை பிடித்துக் கொண்டார். அந்த ஆசாமி ஒரு பவுன் செயினை மட்டும் பறித்துக் கொண்டு தப்பி ஓடிவிட்டான். இது குறித்து சரோஜா விபி ராமநாதபுரம் போலீசில் புகார் செய்தார். போலீசார் வழக்கு பதிவு செய்து தேடி வருகிறார்கள்..