கோவை மத்திய சிறை கைதி திடீர் மரணம்..

திருப்பூர் மாவட்டம் தாராபுரம் அருகே உள்ள குளத்துப்பாளையத்தை சேர்ந்தவர் கோவிந்தசாமி ( வயது 69) இவர் 2017- ஆம் ஆண்டு தாராபுரம் பகுதியில் நடந்த ஒரு கொலை வழக்கில் கைது செய்யப்பட்டு கோவை மத்திய சிறையில் அடைக்கப்பட்டார். இந்த நிலையில் அவருக்கு திடீர் உடல்நல குறைவு ஏற்பட்டது. இதையடுத்து அவர் கோவை அரசு மருத்துவமனையில் உள்ள கைதிகளுக்கான வார்டில் அனுமதிக்கப்பட்டார். அவருக்கு டாக்டர்கள் தீவிர சிகிச்சை அளித்து வந்தனர். இந்த நிலையில் அவர் சிகிச்சை பலனளிக்காமல் நேற்று உயிரிழந்தார். இது குறித்து ரேஸ்கோர்ஸ் போலீசார் வழக்கு பதிவு செய்து விசாரணை நடத்தி வருகிறார்கள்..