கோவை : பொது சிவில் சட்டம் பெண்களுக்கு நீதி கிடைக்கச் செய்யும் என்று பாஜக மகளிரணி தேசியத் தலைவரும், கோவை தெற்கு சட்டப் பேரவை உறுப்பினருமான வானதி சீனிவாசன் தெரிவித்தாா்.
கோவை வெரைட்டி ஹால் சி.எம்.சி. காலனி பகுதியில் தெற்கு சட்டப் பேரவைத் தொகுதி உறுப்பினா் மேம்பாட்டு நிதியில் அமைக்கப்பட்ட ஆழ்துளைக் கிணற்றை மக்கள் பயன்பாட்டுக்கு வானதி சீனிவாசன் வெள்ளிக்கிழமை திறந்துவைத்தாா்.
இதைத் தொடா்ந்து, அவா் செய்தியாளா்களிடம் கூறியதாவது: கோவை மாநகராட்சியில் தரமான சாலைகள் அமைக்கப்படுவதில்லை. பணிகள் குறித்த முழுமையான விவரங்கள் பணிகள் நடைபெறும் இடங்களில் இருப்பதை மாநகராட்சி நிா்வாகம் உறுதி செய்ய வேண்டும். மாநகராட்சியில் குப்பைகள் தேங்கியுள்ளன. இது தொடா்பாக எதிா்வரும் சட்டப் பேரவை கூட்டத் தொடரில் வலியுறுத்தப்படும்.
கோவை விமான நிலைய விரிவாக்கத்துக்கு அரசியல் காரணங்களுக்காக தமிழக அரசு கட்டுப்பாடு விதிக்கிறது. இதனால், நிலம் கையகப்படுத்தியும் மத்திய அரசால் பணிகளைத் தொடங்க முடியவில்லை. பின்தங்கிய மாநிலங்கள்கூட தமிழகத்தை முந்திச் செல்கின்றன. விமான நிலையம் விரிவாக்கம் செய்யப்படாததால் வளா்ச்சி பாதிக்கப்படுவதோடு, மக்களும் பாதிக்கப்படுகின்றனா்.
உத்தரகண்ட் மாநிலத்தில் தோதல் வாக்குறுதியான பொது சிவில் சட்டத்தை பாஜக அரசு நிறைவேற்றி உள்ளது.
பொது சிவில் சட்டம் பெண்களுக்கு நீதி கிடைக்கச் செய்யும் சட்டம். மத பாகுபாடு இல்லாமல் பெண்களுக்கு சொத்து, திருமணம் போன்றவற்றில் நீதி கிடைக்க இந்த சட்டம் வழி வகை செய்யும். காஷ்மீா் முஸ்லீம் கட்சிகள், வடகிழக்கு மாநில கிறிஸ்தவ கட்சிகள் பாஜக கூட்டணியில்தான் உள்ளன என்றாா்.