கடைக்குள் புகுந்து பெண்ணிடம் செயின் பறிப்பு..!

கோவை சரவணம்பட்டி ஜி .கே . எஸ். நகரை சேர்ந்தவர் முத்துகிருஷ்ணன். இவரது மனைவி கோகிலாமணி ( வயது 60)இவர் அங்குள்ள தனது மருமகன் கடையில் இருந்தார். அப்போது 25 வயது மதிக்க தக்க ஒரு ஆசாமி கடைக்குள் புகுந்து அவர் கழுத்தில் கிடந்த 10 கிராம் தங்க செயினை பறித்து கொண்டு இருசக்கர வாகனத்தில் தப்பி சென்று விட்டான். இது குறித்து கோகிலா மணி சரவணம்பட்டி போலீசில் புகார் செய்துள்ளார். போலீசார் வழக்கு பதிவு செய்து தேடி வருகிறார்கள்.