கஞ்சா – போதை மாத்திரையுடன் வாலிபர் கைது – 6 பேருக்கு வலை..!

கோவை குனியமுத்தூர் போலீஸ் இன்ஸ்பெக்டர் மணிவண்ணன், சப் இன்ஸ்பெக்டர் கார்த்திகேயன் ஆகியோர் குனியமுத்தூர் ரோட்டில் உள்ள மூவேந்தர் நகர் பகுதியில் நேற்று இரவு ரோந்து சுற்றி வந்தனர் .அப்போது அங்கு சந்தேகபடும்படி நின்று கொண்டிருந்த ஒருவரை பிடித்து சோதனை செய்தனர். அவரிடம் 100 கிராம் கஞ்சாவும் 22 போதை மாத்திரைகளும் இருந்தது கண்டுபிடிக்கப்பட்டது. அவைகள் பறிமுதல் செய்யப்பட்டன. இதையடுத்து அவர் கைது செய்யப்பட்டார். விசாரணையில் அவர் உக்கடம் . ஜி. எம். நகர், என் எஸ்.கார்டனை சேர்ந்த சையது இப்ராஹிம் மகன் சானுப் ( வயது 27)என்பது தெரிய வந்தது..இவர் பெயிண்டராக வேலை பார்த்து வந்தார் .இவரிடம் விசாரணை நடத்தியதில் மேலும்  7 பேருக்கு இதில் தொடர்பு இருப்பது தெரியவந்தது. இது தொடர்பாக சித்திக், அஜ்மல் ,மணிகண்டன் என்ற கொக்கி மணி, ஆசிக் ,சூர்யா உட்பட 6 பேரை போலீசார் தேடி வருகிறார்கள்..