பைக் மீது அரசு பஸ் மோதி தொழிலாளி பரிதாப பலி..

கோவையை அடுத்த கிணத்துக்கடவு பக்கமுள்ள அரசம்பாளையத்தைச் சேர்ந்தவர் நடராஜன். இவரது மகன் செந்தில் குமார் (வயது 40) கூலி தொழிலாளி. இவர் நேற்று சேலம்- பாலக்காடு பைபாஸ் .ரோட்டில் பைக்கில் சென்று கொண்டிருந்தார். சூலூர் வெங்கிட்டாபுரம் பிரிவு அருகே சென்ற போது அந்த வழியாக வேகமாக வந்த அரசு பஸ் இவரது பைக் மீது மோதியது. இதில் செந்தில்குமார் படுகாயம் அடைந்தார். சிகிச்சைக்காக கோவை அரசு மருத்துவமனைக்கு எடுத்துச் சென்றனர். வழியில் அவர் இறந்து விட்டார் .இது குறித்து அவரது அண்ணன் சீனிவாசன் சூலூர் போலீசில் புகார் செய்தார். இன்ஸ்பெக்டர் மாதையன் வழக்கு பதிவு செய்து விசாரணை நடத்தி வருகிறார்.