நியூஸ் எக்ஸ்பிரஸ் சார்பாக தேசிய பத்திரிகையாளர் தின வாழ்த்துக்கள்..!!

“அனைத்து பத்திரிகையாளர்களுக்கும் எங்கள் நியூஸ் எக்ஸ்பிரஸ் சார்பாக தேசிய பத்திரிகையாளர் தின வாழ்த்துக்கள்”

நவம்பர் 16ம் தேதியான இன்று நாடு முழுவதும் தேசிய பத்திரிகை தினம் அனுசரிக்கப்படுகிறது ..தேசிய பிரஸ் கவுன்சில் ஆஃப் இந்தியா தொடங்கப்பட்ட நவ. 16-ம் நாள்தான், தேசிய பத்திரிகையாளர் தினமாக 1996-ம் ஆண்டு முதல் கொண்டாடப்பட்டு வருகிறது. ஜனநாயகத்தைக் கட்டிக் காப்பதில் முக்கியப் பங்காற்றும் ஊடகம் மற்றும் தொலைக்காட்சியின் பணிகளைக் கவுரவிக்க தேசிய பத்திரிகை தினம் கொண்டாடப்படுகிறது.

இந்திய ஜனநாயகத்தில் சுதந்திரமான மற்றும் பொறுப்பான பத்திரிகைகளை கௌரவிக்கும் வகையில் ஒவ்வொரு ஆண்டும் நவம்பர் 16ஆம் தேதி தேசிய பத்திரிகை தினம் அனுசரிக்கப்படுகிறது. அத்துடன், பத்திரிகைகள் உயர் தரத்தைப் பேணுவதையும், எந்த ஒரு செல்வாக்கும், அச்சுறுத்தலும் பத்திரிகையை கட்டுப்படுத்தப்பட கூடாது

உண்மையையும், பொறுப்புணர்வையும் நிலைநிறுத்தும் ஊடகவியலாளர்களின் இடைவிடாத முயற்சிகளுக்கு நாங்கள் தலைவணங்குகிறோம்.

ஜனநாயகத்தின் முக்கிய தூணாக சுதந்திரமான முறையில் பத்திரிகை செயல்படுகிறது. குடிமக்களுக்கு தேவையான தகவல்களை வழங்கி, ஊழல் மற்றும் குற்றங்களை அம்பலப்படுத்துவதோடு குரலற்றவர்களின் குரலாக பத்திரிகை செயல்படுகிறது.

மக்கள் எதிர்கொள்ளும் எந்தவொரு அநீதியையும் வெளிச்சத்திற்குக் கொண்டு வருவது பத்திரிகைகளின் குறிக்கோள்.

இந்தியாவில் பத்திரிகை சுதந்திரம் என்பது இந்திய அரசியலமைப்பு சட்டம் 19(1)(a) பிரிவின் கீழ் பாதுகாக்கப்படுகிறது. இது பேச்சு மற்றும் கருத்துச் சுதந்திரத்தின் உரிமைக்கு உத்தரவாதம் அளிக்கிறது..

பயம் அல்லது ஒரு சார்பால் கட்டுக்கடங்காமல் பத்திரிகைத் துறை செழிக்க வேண்டும். ஜனநாயகத்தைப் பாதுகாக்கும் குரல்களைப் பாதுகாப்பதில் உறுதியாக நிற்போம்.. மீண்டும் ஒரு முறை அனைத்து பத்திரிகையாளர்களுக்கும் எங்கள் நியூஸ் எக்ஸ்பிரஸ் சார்பாக தேசிய பத்திரிகையாளர் தின வாழ்த்துக்கள் தெரிவித்துக்கொள்கிறோம்..