இஸ்லாமியர்களின் புனித ரம்ஜான் மாதம் தற்போது நடைபெற்று வருவதால் ரம்ஜான் நோன்பு இருக்கும் இஸ்லாமியர்களுக்கு ஆங்காங்கே உள்ள மசூதிகளில் அரசியல் கட்சியினரும் தன்னார்வ அமைப்புகளும் இப்தார் விருந்து வைத்து வருகிறார்கள்.
இந்த நிலையில், இஸ்லாமியர்கள் அதிகம் வசித்து வரும் ராமநாதபுரம் மாவட்டம் கீழக்கரையில், கஸ்டம்ஸ் சாலை அருகில் ஹிதாயத் இளைஞர் நற்பணி மன்றம் மற்றும் கஸ்டம்ஸ் வாலிபால் கிளப் சார்பாக தமிழக வெற்றி கழகத்தின் சார்பில் இப்தார் நிகழ்ச்சி நடைபெற்றது.
இதில் தமிழக வெற்றி கழக கிழக்கு மாவட்ட செயலாளர் மலர்விழி ஜெயபாலன் கலந்து கொண்டு இஸ்லாமியர்களோடு இணைந்து இப்தார் விருந்தில் பங்கேற்றார்.
விருந்துக்கு முன்னதாக உலக நன்மைக்காக பிரார்த்தனை செய்யப்பட்டது. இந்த நிகழ்ச்சிக்கான ஏற்பாடுகளை த.வெ.க கீழக்கரை நகர செயலாளர்
அகமது ஜலாலுதீன் ஏற்பாடு செய்திருந்தார். நிகழ்ச்சியில் தமிழக வெற்றிக்கழக நிர்வாகிகள், இஸ்லாமியர்கள் என பலரும் கலந்து கொண்ட னர்.