பாரில் வடமாநில தொழிலாளி பீர்பாட்டிலால் குத்தி படுகொலை – ஊழியர் கைது.!!

கோவை :  மேற்கு வங்காளத்தைச் சேர்ந்தவர் போபிரா ராய் (வயது 42) இவர் தனது தந்தை ராகுல் ராயுடன் சூலூரில் தங்கி இருந்து கூலி வேலை செய்து வந்தார் .இந்த நிலையில் 2 பேரும் நீலாம்பூரில் உள்ள தனியார் பாருக்கு கடந்த 31ஆம் தேதி மது அருந்த சென்றனர்.தந்தையும் மகனும் சேர்ந்து மது அருந்திவிட்டு பாரில் அமர்ந்து பேசிக்கொண்டிருந்தனர் .அப்போது 2 பேரும் இருக்கையில் அமர்ந்தபடி நடந்து செல்வதற்கு இடையாக கால்களை போட்டிருந்ததாக தெரிகிறது .அப்போது அங்கு வந்த அந்த பாரில் ஊழியராக வேலை பார்த்து வரும் ராமநாதபுரம் மாவட்டம் , திருவாடானை பழைய கோட்டையைச் சேர்ந்த அரவிந்த் ( வயது 24 )என்பவர் நடந்து செல்பவர்களுக்கு இடையூறாக காலை வைக்க வேண்டாம். மடக்கி வையுங்கள் என்று கூறினார். இதனால் அரவிந்துக்கும், போபிரா ராய்க்கும், அவரது தந்தைக்கும் இடையே வாக்குவாதம் ஏற்பட்டது . இதைத் தொடர்ந்து அங்கிருந்தவர்கள் அவர்களை சமாதானப்படுத்தி அனுப்பி வைத்தனர் . சிறிது நேரம் கழித்து மீண்டும் அரவிந்த் அங்கு வந்தார்.அவரை பார்த்ததும் போ பிரா ராய் இந்தியில் திட்டினாராம். இதனால் ஆத்திரமடைந்த அரவிந்த் அங்கிருந்து பீர்பாட்டிலை எடுத்து உடைத்து போ பிரா ராயின் வயிற்றில் குத்தினார்.  இதில் படுகாயம் அடைந்த அவரை அங்கிருந்தவர்கள் மீட்டு சிகிச்சைக்காக கோவை அரசு மருத்துவமனைக்கு அனுப்பி வைத்தனர். அங்க அவருக்கு தீவிர சிகிச்சை அளிக்கப்பட்டது. இந்த நிலையில் சிகிச்சை பலனளிக்காமல் போ பிராராய் நேற்று இறந்தார். சூலூர் போலீசார் கொலை வழக்கு பதிவு செய்து அரவிந்தை கைது செய்தனர் .மேலும் விசாரணை நடந்து வருகிறது..