ஓடும் பேருந்தில் முதியவர், பெண்ணிடம் நகை, பணம் திருட்டு..!

கோவை சூலூர் பக்கம் உள்ள செலக்கரிசலை சேர்ந்தவர் கந்தசாமி ( வயது 80) விவசாயி. இவர் ஒரு நில பிரச்சனை காரணமாக கோவை நீதிமன்றத்திற்கு செல்வதற்காக அரசு பஸ்சில் கோவைக்கு சென்று கொண்டிருந்தார். அரசு மருத்துவமனை பஸ் ஸ்டாப்பில் இறங்கிய போது அவரது பையில் வைத்திருந்த 15,300 ரூபாயை காணவில்லை. யாரோ திருடிவிட்டனர். இது குறித்து கிருஷ்ணசாமி ரேஸ்கோர்ஸ் போலீசில் புகார் செய்துள்ளார். போலீசார் வழக்கு பதிவு செய்து விசாரணை நடத்தி வருகிறார்கள்.

இதே போல கோவை செல்வபுரம் ,ஹவுசிங் யூனிட்டில் வசிப்பவர் லட்சுமி நாராயணன். இவரது மனைவி ஜோதி (வயது 44) இவர் செல்வபுரம் அரச மரம் பஸ் ஸ்டாப்பில் இருந்து அரசு பஸ்சில் ஏறி அவிநாசி ரோட்டில் உள்ள ஸ்டேன்ஸ் பள்ளிக்கூடம் பஸ் ஸ்டாப்பில் இறங்கினார். அப்போது இவரது கழுத்தில் கிடந்த 2 பவுன் செயினை காணவில்லை. யாரோ ஓடும் பஸ்சில் திருடி விட்டனர். இது குறித்து ஜோதி ரேஸ்கோர்ஸ் போலீசில் புகார் செய்துள்ளார். போலீசார் வழக்கு பதிவு செய்து விசாரணை நடத்தி வருகிறார்கள்..