பைக் மோதி ஒருவர் பரிதாப பலி..

கோவை பக்கம் உள்ள அரசூர், எஸ்.தோட்டத்தை சேர்ந்தவர் கோவிந்தன் (வயது 59) இவர் நேற்று அன்னூர் – தென்னம்பாளையம் ரோட்டில் நடந்து சென்றார் .அப்போது அந்த வழியாக வேகமாக வந்த இருசக்கர வாகனம் இவர் மீது மோதி விட்டு நிற்காமல் சென்று விட்டது. இதில் கோவிந்தன் படுகாயம் அடைந்தார். இவரை சிகிச்சைக்காக கோவை அரசு மருத்துவமனையில் சேர்த்தனர். அங்கு சிகிச்சை அளித்தும் பலன் அளிக்காமல் நேற்று இறந்தார். இது குறித்து சூலூர் போலீசில் புகார் செய்யப்பட்டது. இன்ஸ்பெக்டர் லெனின் அப்பாதுரை சம்பவ இடத்துக்கு சென்று விசாரணை நடத்தினார். இது தொடர்பாக வழக்கு பதிவு செய்து விபத்து ஏற்படுத்திவிட்டு நிற்காமல் சென்ற இருசக்கர வாகனத்தை தேடி வருகிறார்..