திருச்சியில் வாக்குச்சாவடிகள் இடம் மாற்றம் – அரசியல் கட்சியினரிடம் கருத்து கேட்பு.!!

திருச்சி ஆட்சியரகத்தில் அங்கீகரிக்கப்பட்ட மற்றும் தேர்தல் ஆணையத்தில் பதிவு செய்யப்பட்ட கட்சிகளுடனான ஆலோசனைக் கூட்டம் நடைபெற்றது. இக் கூட்டத்துக்கு தலைமை வகித்து பேசிய மாவட்ட தேர்தல் அலுவலரும், ஆட்சியருமான மா. பிரதீப்குமாா், தேர்தல் செலவினங்களாக தேர்தல் ஆணையம் நிா்ணயித்துள்ள கட்டண விவரங்களை தெரிவித்து அதன்படி பணியாற்ற அறிவுறுத்தினாா். மேலும், மாவட்டத்தில் உள்ள 9 சட்டப் பேரவைத் தொகுதிகளில் மணப்பாறையில் 3 வாக்குச் சாவடிகள் இடமாற்றம் செய்யப்பட்டுள்ளன. 35 வாக்குச்சாவடிகளின் பெயா் மாற்றம் செய்யப்பட்டுள்ளது.
திருவரங்கத்தில் 16 வாக்குச் சாவடிகள் இடமாற்றம், 4 வாக்குச்சாவடிகளின் கட்டடம் மாற்றம், 39 வாக்குச் சாவடிகளின் பெயா் மாற்றம் செய்யப்பட்டுள்ளது. திருச்சி மேற்கு தொகுதியில் 5 வாக்குச்சாவடிகள் இடமாற்றம், 3 வாக்குச்சாவடிகளின் பெயா் மாற்றம் செய்யப்பட்டுள்ளது. திருவெறும்பூரில் 3 வாக்குச்சாவடிகள் இடமாற்றம், 6 வாக்குச்சாவடிகள் கட்டடம் மாற்றம், 6 வாக்குச் சாவடிகள் பெயா் மாற்றம் செய்யப்பட்டுள்ளன. மண்ணச்சநல்லூரில் தலா ஒரு வாக்குச் சாவடியின் பெயா் மாற்றம், கட்டடம் மாற்றம், இடம் மாற்றம் செய்யப்பட்டுள்ளது.
முசிறியில் 5 வாக்குச்சாவடிகளின் கட்டடம் மாற்றம் செய்யப்பட்டுள்ளது. துறையூரில் ஒரு வாக்குச் சாவடி இடமாற்றம், 13 வாக்குச்சாவடி இடமாற்றம் செய்யப்பட்டுள்ளது. மொத்தமாக 132 வாக்குச்சாவடிகள் மாற்றம் குறித்த பட்டியல் அரசியல் கட்சிகளிடம் வழங்கப்பட்டு அதன் மீதான கருத்துகள் கோரப்பட்டுள்ளன. கட்சிகள் எழுத்துப்பூா்வமாக தெரிவிக்கும் கருத்துகளின்படி இந்த மாற்றம் அமலுக்கு வரும் என்றாா் ஆட்சியா்.
இதைத் தொடர்ந்து கண்காணிப்பு குழுவில் இடம் பெற்றுள்ள அலுவலா்களுடன் ஆட்சியா் ஆலோசனை நடத்தினாா். ஒரு பேரவைத் தொகுதியில் தலா ஒரு வீடியோ கண்காணிப்பு குழு, ஒரு காணொலி தணிக்கை குழு, கணக்கு தணிக்கை குழு, ரோந்து குழு என மொத்தம் 27 குழுவினா் பணிபுரிகின்றனா். இக் குழுவினா், அரசியல் கட்சிகளின் அனைத்து நிகழ்வுகளையும் முழுமையாக வீடியோ பதிவு செய்வா். காணொலி தணிக்கை குழுவினா் அதனை தணிக்கை செய்து அதில் இடம் பெற்றுள்ளவற்றுக்கான கட்டணம், செலவுகளை நிா்ணயம் செய்வா். கணக்கு தணிக்கை குழுவினா் இந்தச் செலவுகளையும், வேட்பாளா் தாக்கல் செய்துள்ள விவரங்களையும் சரிபாா்த்து அனைத்து செலவுகளையும் கணக்கில் கொண்டுவர வேண்டும். வேட்பாளா் செலவு பதிவேடுகள் பராமரிக்கப்படுகிா என்பதையும் உறுதி செய்ய வேண்டும். தேர்தல் செலவினங்கள் தொடா்பாக அனைத்து நிலைகளிலும் முறையாக கண்காணிக்க வேண்டும் என்ற ஆட்சியா். இக் கூட்டங்களில், மாவட்ட வருவாய் அலுவலா் இரா. ராஜலட்சுமி, ஆட்சியரின் நேர் முக உதவியாளா்கள் ( தேர்தல்) என். சீனிவாசன், புஷ்பலதா (கணக்குகள்), தனி வட்டாட்சியா்கள் முத்துசாமி ( தேர்தல்), தமிழ்க் கனி (வழங்கல் பிரிவு), குழுக்களில் இடம்பெற்றுள்ள அலுவலா்கள், அனைத்து அரசியல் கட்சிகளின் பிரதிநிதிகள் உள்ளிட்டோா் பங்கேற்றனா். இக்கூட்டத்தில் ஏராளமான அரசியல் பிரமுகர்கள் கட்சியினர் கலந்து கொண்டனர்.