திருநங்கை போல் நடித்து கோவை கல்லூரி மாணவரிடம் பணம், பைக், தங்க மோதிரம் கொள்ளை..!

திக்கணஞ்ஜாடு, வள்ளோடு பகுதியை சேர்ந்தவர் செல்வராஜ், அவரது மகன் சபீஷ் (வயது 20) இவர் சரவணம்பட்டி பகுதியில் உள்ள ஒரு தனியார் கல்லூரியில் பயோ மெடிக்கல் இன்ஜினியரிங் 3-ம் ஆண்டு படித்து வருகிறார் .வழியாம் பாளையத்தில் வாடகை வீட்டில் தங்கி உள்ளார் .இவர் செல்போனில் திருநங்கைகளுக்கு உரிய பிரத்யேக செயலி வைத்திருந்தார்.அதில் தொடர்பு கொண்ட 3 பேர் நேற்று இரவில் அவரை சத்தி ரோடு- கிரணத்தம் ரோடு சந்திப்பு அருகே வருமாறு அழைத்தனர் . இவர் தனது பைக்கில் சென்றார். அங்கிருந்த நின்று கொண்டிருந்த 3 பேர் இவரை தாக்கி செல்போன், பணம் ரூ.51,500 கால் பவுன் தங்க மோதிரம், பைக் ஆகியவற்றை பறித்து விட்டு தப்பி சென்று விட்டனர் .இது குறித்து சபீஷ் சரவணம்பட்டி போலீசில் புகார் செய்தார். போலீசார் வழக்கு பதிவு செய்து 3 பேரை தேடி வருகிறார்கள்..