சினிமா தியேட்டர் அருகே கஞ்சா, போதை மாத்திரைகள் விற்பனை – வாலிபர் கைது..!

கோவை மதுவிலக்கு அமல் பிரிவு போலீஸ் இன்ஸ்பெக்டர் செந்தில்குமார், சிறப்பு சப்-இன்ஸ்பெக்டர் பாக்கியவதி ஆகியோர் நேற்று மதுக்கரை மார்க்கெட் ரோட்டில் உள்ள பஞ்சாயத்து அலுவலகம் ரோட்டில் ரோந்து சுற்றி வந்தனர். அப்போது அங்கு சந்தேகப்படும்படி நின்று கொண்டிருந்த ஒரு வாலிபரை பிடித்து சோதனை செய்தனர். அவரிடம் 70 கிராம் கஞ்சா, 99 போதை மாத்திரைகள் இருந்தது கண்டுபிடிக்கப்பட்டது. இவைகள் பறிமுதல் செய்யப்பட்டன . இதையடுத்து அந்த வாலிபர் கைது செய்யப்பட்டார். விசாரணையில் அவர் வெள்ளலூர், ஹவுசிங் ரோட்டை சேர்ந்த சேகர் ( வயது 23 )என்பது தெரிய வந்தது. இதில் தொடர்புடைய பாலக்காடு மன்னார்காட்டை சேர்ந்த விஷ்ணு என்பவரை தேடி வருகிறார்கள்..