ஈரோடு மாவட்டம் சத்தியமங்கலம் அடுத்துள்ள கொமாரபாளையம் கிராமத்தில் பிரசித்தி பெற்ற அங்காள பரமேஸ்வரி அம்மன் கோவில் அமைந்துள்ளது. இந்த கோவிலில் ஆண்டு தோறும் புரட்டாசி மாதம் சிறப்பு யாக பூஜை மற்றும் வழிபாடு நடைபெறுவது வழக்கம். மழை பொழியவும், விவசாயம் செழிக்கவும், அனைத்து துறைகள் வளரவும் சதசண்டி மகாயாகம் நடத்த முடிவு செய்யப்பட்டது. அதன்படி கடந்த மங்கள இசை மற்றும் கணபதி ஹோமத்துடன் விழா தொடங்கியது. இதை தொடர்ந்து முதல் கால யாக பூஜை நடைபெறுகிறது. காலை இரண்டாம் கால யாக பூஜையும் அன்று மாலை மூன்றாம் கால யாக பூஜையும் நடைபெற்றது. கோவில் வளாகத்தில் அலங்கரிக்கப்பட்ட அங்காள பரமேஸ்வரி அம்மன் முன்பு பெரிய யாக குண்டம் அமைக்கப்பட்டு வேத விற்பன்னர்கள் மந்திரம் முழங்க நடத்தப்பட்ட ஸ்ரீ சதசண்டி மஹா யாக பூஜையில் ஆயிரக்கணக்கான பக்தர்கள் கலந்து கொண்டனர். இதைத் தொடர்ந்து அங்காள பரமேஸ்வரி அம்மனுக்கு சிறப்பு பூஜைகள் நடைபெற்றது. கோவிலுக்கு வந்த திரளான பக்தர்கள் அம்மனை பயபக்தியுடன் சாமி தரிசனம் செய்தனர்.
சத்தியமங்கலம் அங்காள பரமேஸ்வரி அம்மன் கோவிலில் ஸ்ரீ சதசண்டி மகாயாகம் – ஆயிரக்கணக்கான பக்தர்கள் பங்கேற்பு..!
