மது குடிக்க பணம் கொடுக்க மறுத்ததால்… நண்பனையே கத்தியால் குத்திய தொழிலாளி..!

கோவை போத்தனூர் காமாட்சி அம்மன் கோவில் வீதியைச் சேர்ந்தவர் ரங்கநாதன் (வயது 50 ) கூலி தொழிலாளி. இவர் நேற்று அதே பகுதியைச் சேர்ந்த தனது நண்பரான அப்துல் ஜாபர் (வயது 52) என்பவருடன் அங்குள்ள டாஸ்மாக் பாருக்கு மது குடிக்க சென்றனர் .மது குடித்துவிட்டு அதே பகுதியில் உள்ள ஆட்டோ ஸ்டாண்டில் நின்று பேசிக் கொண்டிருந்தனர். அப்போது அப்துல் ஜாபர் மீண்டும் மது குடிக்க ரங்கநாதனிடம் பணம் கேட்டார் .அவர் கொடுக்க மறுத்தார். இதனால் அவர்களுக்குள் தகராறு ஏற்பட்டது . இதில் ஆத்திரமடைந்த அப்துல் ஜாபர் தான் மறைத்து வைத்திருந்த கத்தியால் அவரைக் குத்தினார். இதில் அவருக்கு பலத்த காயம் ஏற்பட்டது. அவர் சிகிச்சைக்காக கோவை அரசு மருத்துவமனையில் சேர்க்கப்பட்டுள்ளார். இது குறித்து போத்தனூர் போலீசார் வழக்கு பதிவு செய்து அப்துல் ஜாபரை தேடி வருகிறார்கள்..