வயநாட்டில் ஏற்பட்ட நிலச்சரிவு பேரழிவை ஏற்படுத்திய நிலையில், பிரதமர் நரேந்திர மோடி இன்று பாதிக்கப்பட்ட இடங்களை ஆய்வு செய்தார்.
இன்று (ஆகஸ்ட் 10) காலை 11 மணிக்கு கண்ணூர் சர்வதேச விமான நிலையத்திற்கு வந்தடைந்த பிரதமர் மோடியை கேரள ஆளுநர் ஆரிப் முகமது கான் மற்றும் முதல்வர் பினராயி விஜயன் ஆகியோர் வரவேற்றனர்.
அங்கிருந்து விமானப்படை ஹெலிகாப்டரில் பயணம் செய்த அவர் வயநாட்டில் நிலச்சரிவு ஏற்பட்ட பகுதிகளை ஹெலிகாப்டர் மூலம் ஆய்வு செய்தார். அப்போது பிரதமருடன் மத்திய அமைச்சர் சுரேஷ் கோபி சிறப்பு விமானத்தில் இருந்தார். வான்வழி ஆய்வுக்குப் பிறகு, அவரது ஹெலிகாப்டர் கல்பெட்டாவில் உள்ள பள்ளி மைதானத்தில் தரையிறங்கியது.
கே கே ஷைலஜா எம்எல்ஏ, தலைமைச் செயலாளர் டாக்டர் வி வேணு, டிஜிபி ஷேக் தர்வேஷ் சாஹிப், கண்ணூர் மாவட்ட ஆட்சியர் அருண் கே விஜயன், கண்ணூர் நகர போலீஸ் கமிஷனர் அஜித்குமார், பாஜக தலைவர்கள் ஏபி அப்துல்லாகுட்டி, சி கே பத்மநாபன் உள்ளிட்டோர் விமான நிலையத்தில் பிரதமரை வரவேற்றனர்.
பிரதமர் மோடி தனது தனது பயணத்தில், நிலச்சரிவில் காயமடைந்து சிகிச்சை பெற்று வருபவர்களையும் பிரதமர் சந்திக்கிறார். ஹெலிகாப்டரில் பிரதமர் மோடியுடன் மத்திய இணை அமைச்சர் சுரேஷ் கோபி, ஆளுநர் ஆரிப் முகமது கான், முதல்வர் பினராயி விஜயன் ஆகியோர் சென்றனர். பின்னர் முதலமைச்சருடன் கலந்துரையாடும் பிரதமர், பல்வேறு நிவாரண குழுக்களையும் சந்திக்கவுள்ளார்.
பேரிடரால் பாதிக்கப்பட்டவர்களின் மறுவாழ்வுக்காக மத்திய அரசிடம் 2000 கோடி ரூபாய் சிறப்புத் தொகுப்பைக் கோர மாநில அரசு முடிவு செய்துள்ளது.
ஜூலை 30 ஆம் தேதி, இடைவிடாது பெய்த கனமழை காரணமாக, வயநாடு மாவட்டத்தில் உள்ள முண்டகை, சூரல்மலை, மேப்பாடி ஆகிய கிராமங்களில் அடுத்தடுத்து 2 பயங்கர நிலச்சரிவு ஏற்பட்டது. இதனால் அப்பகுதியில் இருந்த நூற்றுக்கணக்கான வீடுகள் மண்ணில் புதைந்தன. நள்ளிரவில் நிலச்சரிவு ஏற்பட்டதால் என்ன நடக்கிறது என்று தெரிவதற்குள்ளே பலர் மண்ணுக்குள் புதைந்தனர். நாட்டையே உலுக்கிய இந்த நிலச்சரிவில் உயிரிழந்தோர் எண்ணிக்கை 400-ஐ கடந்துள்ளது. நூற்றுக்கணக்கானோர் காயமடைந்த நிலையில் 200க்கும் மேற்பட்டோரின் நிலை என்னவென்றே தெரியவில்லை.
தேசிய பேரிடர் மீட்பு படை, மாநில பேரிடர் மீட்பு படை, ராணுவம், விமானப்படை, கடற்படை, தீயணைப்பு படையினர் என, 1200க்கும் மேற்பட்டோர் மீட்பு பணியில் ஈடுபட்டனர். மருத்துவ உதவி மற்றும் சிகிச்சைக்காக 100க்கும் மேற்பட்ட ஆம்புலன்ஸ்கள் மற்றும் மருத்துவர்கள் மற்றும் பிற மருத்துவ பணியாளர்கள் ஈடுபடுத்தப்பட்டனர்.
இந்திய இராணுவம் வயநாட்டில் 190 அடி பெய்லி பாலத்தை அமைத்தது. குறிப்பிடத்தக்க வகையில், இந்த பாலத்தின் கட்டுமானம் வெறும் 71 மணி நேரத்தில் நிறைவடைந்தது, இதன் மூலம் மீட்பு பணிகள் துரிதமாக நடந்தது.
வயநாட்டின் பாதிக்கப்பட்ட பகுதிகளை பார்வையிட மத்திய அரசால் அமைச்சகங்களுக்கு இடையேயான மத்திய குழு (IMCT) அமைக்கப்பட்டுள்ளது. இக்குழுவினர் ஆகஸ்ட் 8ம் தேதி முதல் 10ம் தேதி வரை பாதிக்கப்பட்ட பகுதிகளை பார்வையிடுகின்றனர்.
பேரிடர்களின் சவாலை எதிர்கொள்ளத் தயாராக இருக்கும் நிதியை சரியான நேரத்தில் கேரளாவுக்கு மத்திய அரசு உதவிக்கரம் நீட்டி வருகிறது. இந்த ஆண்டு, ஏப்ரல் 1 ஆம் தேதி, கேரளா மாநில பேரிடர் நிதி கணக்கில் சுமார் 395 கோடி ரூபாய் இருந்தது. நடப்பு ஆண்டிற்கான SDRF இன் மத்திய பங்கின் முதல் தவணை ரூ.145.60 கோடிக்கு முன்னதாக ஜூலை 31 அன்று வெளியிடப்பட்டது.
கடந்த 5 ஆண்டுகளில் மொத்தம் சுமார் ரூ. மொத்த மாநில பேரிடர் நிவாரண நிதியான ரூ. 1200 கோடியை SDRF-ல் மத்திய அரசின் பங்காக மோடி அரசு வெளியிட்டுள்ளது. இதுதவிர மோடி அரசு ரூ. கடந்த 5 ஆண்டுகளில் மாநில பேரிடர் நிவாரண நிதிக்கு 445 கோடி ரூபாய் வழங்கி உள்ளது என்பது குறிப்பிடத்தக்கது.