திருச்சி விமான நிலைய திறப்பு பிரதமரின் பாதுகாப்பு அதிகாரிகள் வருகை…

திருச்சியில் கடந்த 2019-ம் ஆண்டு முதல் கட்டுமான பணிகள் துவங்கியது. இந்நிலையில் ரூ.249 கோடி கூடுதல் செலவில் ரூ.1200 கோடியில் கட்டுமான பணிகள் முடிக்கப்பட்டுள்ளன.புதிய முனையம் 60,723 சதுர மீட்டர் பரப்பளவில் 2 தளங்களில் பரவியுள்ளது. இது ஒரே நேரத்தில் 4000 சர்வதேச பயணிகளையும் 1500 உள்நாட்டு பயணிகளையும் கையாள முடியும்.இந்திய கலாசாரம் மற்றும் பாரம்பரிய கலையுடன் பிரமாண்டமாக கட்டப்பட்டுள்ள புதிய முனையத்தின் திறப்பு விழா ஜன., 2-ம் தேதி (செவ்வாய்கிழமை) நடக்கிறது. இதில் பிரதமர் மோடி பங்கேற்று புதிய முனையத்தை திறந்து வைக்கிறார், பல்வேறு புதிய திட்டங்களுக்கு அடிக்கல் நாட்டி முடிக்கப்பட்ட திட்டங்களை தொடங்கி வைக்க உள்ளார்.இந்த விழாவில் தமிழக முதல்வர் மு.க.ஸ்டாலின் மற்றும் முக்கிய பிரமுகர்கள் கலந்து கொள்கின்றனர். இந்த விழாவில் பிரதமர் மோடி கலந்து கொள்வதற்கான அதிகாரப்பூர்வ அறிவிப்பை பிரதமர் அலுவலகம் நேற்று இரவு வெளியிட்டது.மேலும் திருச்சி பாரதிதாசன் பல்கலைக்கழகத்தில் கடந்த 3 ஆண்டுகளில் 2.81 லட்சம் மாணவர்களுக்கு பட்டங்கள் வழங்கப்படவில்லை. அவர்களுக்கான பட்டமளிப்பு விழாவும் அன்று நடைபெறுகிறது.விழாவில் பிரதமர் மோடி கலந்து கொண்டு மாணவர்களுக்கு பட்டங்களை வழங்குகிறார்.இந்நிகழ்ச்சிகளில் பங்கேற்பதற்காக பிரதமர் மோடி வரும் 2-ம் தேதி காலை 10 மணிக்கு டெல்லியில் இருந்து திருச்சி சர்வதேச விமான நிலையத்திற்கு தனி விமானம் மூலம் வருகிறார். புதிய முனையத்திற்கு வரும் பிரதமர் மோடி, வி.வி.ஐ.பி.,க்கள் வழியாக சென்று, காலை 10.30 மணிக்கு பாரதிதாசன் பல்கலைக்கழகத்திற்கு காரில் புறப்படுகிறார்.பட்டமளிப்பு விழாவில் பங்கேற்கும் பிரதமர், 15 மாணவர்களுக்கு பட்டங்களை வழங்குகிறார்.
பின்னர் அங்கிருந்து 11.45 மணிக்கு புறப்பட்டு 12 மணிக்கு திருச்சி சர்வதேச விமான நிலையம் சென்றடைகிறது.இதை தொடர்ந்து அங்கு நடைபெறும் விழாவில் ரூ.1200 கோடியில் கட்டப்பட்டுள்ள புதிய முனையத்தை திறந்து வைத்து பார்வையிடுகிறார். பின்னர் புதிய திட்டங்களுக்கு அடிக்கல் நாட்டி முடிக்கப்பட்ட திட்டங்களை தொடங்கி வைக்கிறார்.விழா முடிந்து மதியம் 1.05 மணிக்கு தனி விமானம் மூலம் லட்சத்தீவு செல்கிறார்.பிரதமர் மோடி வருகையையொட்டி, மாவட்ட நிர்வாகம் மற்றும் காவல் துறை சார்பில் பாதுகாப்பு நடவடிக்கைகள் மேற்கொள்ளப்பட்டு வருகின்றன. விமான நிலையத்தின் புதிய முனையத்தில் 100 போலீசார் குவிக்கப்பட்டுள்ளனர்.பல்கலைக்கழகத்திலும் பாதுகாப்பு பலப்படுத்தப்பட்டுள்ளது.மேலும், போலீசார் மற்றும் மத்திய தொழில் பாதுகாப்பு படை அதிகாரிகள் விமான நிலையம் அருகே உள்ள வீடுகள் மற்றும் தொழிலாளர்களின் விவரங்களை சேகரித்து வருகின்றனர். விமான நிலையம் முழுவதும் முற்றுகையிடப்பட்டுள்ளது.இந்நிலையில், டெல்லியில் இருந்து எஸ்பிஜி பாதுகாப்பு குழுவினர் இன்று மாலை அல்லது நாளை திருச்சி வந்து பாதுகாப்பு ஏற்பாடுகளை ஆய்வு செய்து ஆய்வு செய்ய வாய்ப்புள்ளதாக விமான நிலைய வட்டாரங்கள் தெரிவித்தன. திருச்சியில் பிரதமரு ம் முதல்வரும் ஒன்றாக கலந்து கொள்ளும் நிகழ்ச்சி என்பதால் பாதுகாப்பு அதிகரிக்கப்பட்டுள்ளது.